Дали сте и вие од оние дијабетичари кои се борат да го балансираат вежбањето со инсулинoт или лековите за намалување на шеќер? Сосема ја разбираме вашата фрустрација поради која вашиот совршен план за вежбање е исфрлен од игра поради хипогликемија или мускулни грчеви настанати од високите нивоа на шеќер во крвта. Можеби имате и обесхрабрувачки мисли дека јадете повеќе калории со хипо-спасувачките грицки отколку што сте согореле калории за време на тренингот.
Но, без грижа наши DIAbesties, со добар план, може да постигнете одлични тренинзи и баланс на шеќерот во крвта. Важно е да разберете како вашиот лек влијае на вашето тело за време на вежбањето и соодветно да се приспособите. Можеби ќе треба повеќе да внимавате на исхраната или да ја прилагодите дозата на лекот.
Не заборавајте секогаш да носите со себе грицки за спас од хипогликемија и да го следите нивото на шеќер во крвта пред, за време и после вежбање.
Еве неколку наши предлози како да не дозволите дијабетесот да ви го уништи тренингот:
1.Научете како вашето тело реагира на вежбање
Многу луѓе со дијабет дознаваат дека вежбањето, особено кардиоваскуларните вежби, резултираат со намалување на шеќерот во крвта. Од друга страна, кревањето тежина, тренинзите за сила, спринт и други интензивни вежби често предизвикуваат покачување на шеќерот во крвта.
Значително помага тоа како ќе го испланирате вежбањето кога знаете како реагирате на трчање од 5 км или на едночасовен тренинг со кревање тегови. Дали често ви се намалува енергијата или ви паѓа шеќерот? Дали ви се зголемува адреналинот за време на трки и други натпревари? Некои обиди и направени грешки ќе ви помогнат да научите прилично брзо како реагира вашето тело и ќе ви помогнат подобро да се подготвите во иднина
2.Вежбајте со резидуален инсулин (IOB)
Insulin on Board (IOB) е минималната количина на активен инсулин што останува во телото по последната доза на инсулин. Познат е и како резидуален инсулин или активен инсулин.
„Секогаш се трудам наутро прво да вежбам, пред да примам терапија во болус или пред да јадам (иако секогаш пијам кафе!). Ова ги прави моите тренинзи многу полесни затоа што имањето минимален IOB значи дека мојот шеќер во крвта е многу помалку веројатно да падне. Од друга страна, ако изедам 50 грама јаглени хидрати за вечера и се обидам да трчам навечер, целиот инсулин што ми треба за вечера е подготвен да ми го намали шеќерот во крвта и да предизвика пад на средина одтрчањето.“ – споделено искуство
За да вежбате било каков тренинг, најдобро е да почекате околу два часа по земањето доза на инсулин за време на оброкот. Тоа ќе помогне да се ограничи количината на резидуален инсулин во вашиот систем.
Ако не можете да вежбате пред појадок, корисно е да останете со ниско ниво или без јаглехидрати пред тренингот (внесете протеини и масти). Колку помалку инсулин ви треба за вашиот оброк, толку помалку ќе имате сеуште активен инсулин во вашиот систем кога ќе почнете да го движите вашето тело.
3.Држете се до одредена рутина
Доследноста и конзистенцијата се клучни: придржувајте се до рутината што функционира. Иако дијабетесот е непредвидлив, можете да го дадете најдоброто од себе за да ги одржувате работите конзистентни со бaлансирање во вашите навики за вежбање, јадење и употреба на инсулин.
Имате пад на енергијата и гликозата среде трчање? Пред да се случи ова, земете електролити или грицки, пијалок за качување на гликемијата. Дали секогаш одите високо во гликемијата пред сесија за кревање тегови? Размислете за употреба на болус брзодејствувачки инсулин додека се загревате.
4.Eкспериментирајте со привремена базална стапка на инсулин
Ова е за корисници на инсулинска пумпа. Привремената базална инсулинска пумпа е карактеристика на инсулинските пумпи што му овозможува на корисникот да ја прилагоди својата базална стапка на инсулин за одреден временски период, обично до 24 часа. Оваа функција најчесто се користи за управување со нивото на шеќер во крвта за време на вежбање, болест или други привремени промени во рутината.
“Ако мојот шеќер во крвта е во мојот идеален опсег (4.4-6.7 mmol/L), знам дека дефинитивно ќе паднам во гликемијата додека вежбам кардио, па затоа ми беше корисно да експериментирам со привремени базали за да спречам ниски падови. Ако не вежбам наутро, обично ќе го прекинам целиот инсулин во пумпата 30 минути пред тренингот, а потоа ќе го намалам базалниот на 85% за време на тренингот. Сепак, ова може да резултира со контраефект, и сфатив дека ќе треба да земам 1-2 единици болус откако ќе завршам со вежбањето за да спречам скок. Некои луѓе што ги познавам скокаат во гликемијата од вежбање, особено кревање тегови, и прават привремено зголемена базална стапка за време на нивните тренинзи.’’ – споделено искуство.
Експериментирајте и видете што функционира за вас!
5.Не се откажувајте!
Вежбањето може да биде фрустрирачко во комбинација со дијабет, но ве охрабруваме да задржите позитивен став и да не губите надеж.
Физичката активност го подига вашето расположение и има навидум бесконечен број здравствени придобивки. Тоа е тајната состојка за многу луѓе со дијабет, и тип 1 и тип 2.
Не дозволувајте дијабетесот да ве спречи да ги постигнете вашите замислени фитнес цели. Со малку вложен напор и соодветна подготовка, ќе имате успешни сесии на тренинзи додека истовремено се справувате со вашиот дијабет секојдневно. Продолжете да чекорите напред и останете здрави!
